Шавкат Мирзиёев ўқитувчилар ва шифокорлар ойлигини босқичма-босқич ошириш кераклигини айтди

Президент 2022 йилги давлат бюджети муҳокамасига бағишланган йиғилиш ўтказди. Кейинги йил республика бўйича 40та янги мактаб қуриш, камида 80 минг талабанинг ижара тўловига ёрдам бериш кўзда тутилган. Ўқитувчи ва шифокорларнинг ойликларини босқичма-босқич ошириш, коронавирусга қарши эмланганлар сонини 17 миллион нафарга етказиш бўйича топшириқ берилди. Онкогематология, эндокринология, буйрак ва жигар кўчириш каби дастурларга 1 триллион сўм ажратилиши мўлжалланмоқда.