Joriy yilning 14 mart kuni Navbahor kasb-hunar maktabida "Yashil yillik" umummilliy dasturi doirasida "Pepsi Oʼzbekiston" kompaniyasi bilan hamkorlikda "Tabiatni asraylik" shiori ostida aktsiya boʼlib oʼtdi. Tadbir davomida oʼquvchilar bilan qiziqarli savol-javoblar hamda viktorina oʼyinlari olib borildi va gʼolib boʼlgan oʼquvchilar kompaniya tomonidan qimmatbaho sovgʼalar bilan mukofotlandi. Tadbirning ikkinchi qismida "Pepsi Oʼzbekiston" kompaniyasi xodimlari hamda maktab rahbariyati va oʼquvchilar ishtirokida daraxt koʼchatlarini ekish ishlari ham tashkil etildi. Ushbu tadbirda 200 dona 4 xildagi manzarali daraxt koʼchatlari ekildi.

Туризм ва маданий мерос вазирлиги томонидан Наврўз байрами муносабати билан 2022 йил 19-20-21-22-23 март кунлари аҳолининг дам олиш кунларини мароқли ташкил этиш ҳамда ички туризм йўналишида саёҳатларга жалб қилиш мақсадида республика бўйлаб қуйидаги чегирмалар жорий қилинди (https://uzbektourism.uz/news/view?id=2139).

1. “Uzbekistan Airways” АЖ томонидан Республика аҳолиси учун ички республикалараро қатновларга барча турдаги тарифларга 50 фоиз чегирма жорий қилинди.

2. “Ўзбекистон темир йўллари” АЖ томонидан республиканинг барча ички қатновлари учун:

- олий ўқув юртлари талабалари, мактаб ўқувчилари, коллеж ва лицей талабалари, ИИВ, МВ, ДХХ, ДСҚ ва ДБХ махсус таълим муассасалари талабалари учун – 15 фоиз;

- коллектив (ҳамкасбларга) гуруҳдагилар учун – 15 фоиз;

- «Афросиёб» тезюрар электропоездларида барча тоифадаги йўловчилар учун - 10 фоиз чегирмалар жорий қилинди.