Tashrifdan maqsad: Professional ta'lim tizimida amalga oshirilayotgan ishlar va ta'lim mazmuni bilan tanishish hamda uni  yanada rivojlantirish chora-tadbirlarini belgilashdan iborat.Tashrif davomida ta’lim muassasasida ishlab chiqarish ta'lim ustalari bilan yaqindan tanishish maqsadida ular bilan suhbat o‘tkazish jarayonida o‘quv me’yoriy hujjatlari hamda o‘quv jurnallarini ko‘zdan kechirdi va o'zining taklif mulohazalarini bildirib tegishli topshiriqlar va tavsiyalarini berib oʻtdi.

Tashrif davomida ta’lim muassasada amalga oshirilayotgan ishlar va ta’lim mazmuni bilan tanishish hamda maktab oʻquvchilarining davomati, oʻqituvchilarning darsga tayyorgarlik holati, jurnallarning yuritilish ahvoli, bugungi kunda ta'lim jarayonida jihozlardan qanday foydalanilayotganligi, oʼquvchilarning oʼzi tanlagan kasblari boʼyicha olayotgan bilimlari va taʼlim muassasasida yaratilgan sharoitlar bilan yaqindan tanishdilar. Tashrif so'ngida byudjetdan tashqari mablag’ to'plash maqsadida kasb-hunar maktabida tashkil etilgan “Penoblok ishlab chiqarish”, “Sovun ishlab chiqarish”, “Metall konstruksiyalar ishlab chiqarish” sexlarida bo’lib  o'zining tegishli ko'rsatma va takliflarini berdilar.

O‘zbekiston Respublikasi Oliy va O‘rta maxsus ta'lim vazirining professional ta'limni rivojlantirish masalalari bo‘yicha o‘rinbosari SIDDIQOVA SADOQAT G'AFFAROVNA Navoiy viloyatida. Ayni damda Konimex tuman kasb-hunar maktabida tahsil olayotgan o'quvchi yoshlarning  o'quv jarayoni bilan tanishish maqsadida  tashrif buyurdi. Maktabda muhandis-pedagoglar bilan uchrashib, o'quv amaliyot ustaxonasi, o‘quv xonalari hamda bugungi kundagi ta’lim jarayonlari, o'quvchilarning  bilim olishlari uchun yaratilgan shart-sharoitlar bilan tanishdi.Tashrif so'ngida muhandis-pedagoglar bilan o'tkazilgan samimiy suhbat barchada o'zgacha taassurotlar qoldirdi. Suhbat yakunida Sadoqat G'affarovna o'zining tegishli ko'rsatma va takliflarini berdi.

 Yashil makon
 Oʻzbekiston Respublikasi Davlat Bayrogʻi qabul qilinganligining 31 yilligi munosabati bilan Qiziltepa tuman 2-son kasb-hunar maktabida  DOLZARB 40 KUNLIK "Yashil makon" umummilliy loyihasi doirasida "KELAJAK UCHUN VIJDONAN KOʻCHAT EKAMAN" aksiyasi boʻyicha tadbir tashkil qilindi.
Tadbirda Viloyat Kasbiy taʼlimni rivojlantirish va muvofiqlashtirish hududiy boshqarmasi boshligʻi N.Ulugʻberdiyev, tuman hokimi oʻrinbosari Oʻ.Istamov va sektor rahbari D.Murodovlar ishtirok etdilar.
Aksiya davomida 200 dan ortiq turli xil daraxt koʻchatlari oʻtqazildi.

 РАСМИЙ МУНОСАБАТ

Ижтимоий тармоқларда Навоий тиббиёт ва юридик техникумларида контракт тўловлари яна кўтарилгани юзасидан эълон қилинган хабар бўйича Навоий вилоят касбий таълимни ривожлантириш ва мувофиқлаштириш ҳудудий бошқармаси қуйидагиларни маълум қилади.

Адлия вазирлигининг 2022 йил 7 сентябрдаги 209-сонли буйруғига асосан тўлов контракт миқдори оширилмаган, аксинча меҳнатга ҳақ тўлаш энг кам миқдорига нисбатан 2021-2022 ўқув йилида 8,5 баробар, 2022-2023 ўқув йилида эса ярим баробар ўтган ўқув йилига нисбатан камайтирилган. Аммо 2022-2023 ўқув йилига келиб, меҳнатга ҳақ тўлашнинг энг кам миқдори июнь ойида оширилганлиги сабабли тўлов контракт миқдори суммасида ўзгариш бўлган.   

Таълим муассасаларига ўқишга қабул қилиш бўйича Давлат комиссиясининг тегишли қарори билан соғлиқни сақлаш таълим йўналишларида таҳсил олаётган талабаларнинг тўлов-контракти миқдори меҳнатга ҳақ тўлаш энг кам миқдорининг 5,7 баробари этиб белгиланган ҳамда меҳнатга ҳақ тўлашнинг энг кам миқдори ошганда тўлов-контракт қиймати миқдорлари навбатдаги ўқув семестр бошида мос равишда оширилиши кўрсатилган. 

Шунга кўра, Навоий Абу Али ибн Сино номидаги жамоат саломатлиги техникумида ҳам меҳнатга ҳақ тўлаш энг кам миқдорининг 5,7 баробарида қолган, аммо меҳнатга ҳақ тўлашнинг энг кам миқдори июнь ойида оширилганлиги сабабли 2022-2023 ўқув йилига келиб тўлов-контракт миқдори суммасида ўзгариш бўлган.

 Joriy   yilning   4-noyabr kuni Erta tongdan Qiziltepa tuman 2-son kasb-hunar maktabida oʻqituvchi va oʻquvchilar kayfiyatini koʻtarish, yaxshi kayfiyat ulashish maqsadida Oʻzbekiston Yoshlar Ittifoqi Boshlangʻich tashkiloti yetakchisi Umidjon Shamsiddinov tomonidan noodatiy tarzda kutib olish tashkil qilindi.Bundan maqsad oʻqituvchilarimiz pedagogik faoliyatlarini ishtiyoq bilan boshlashlari, oʻquvchilarimiz bilim egallashlari uchun motivatsiya olishdi   kayfiyatlari  koʻtarildi.

  Joriy yilning 4-noyabr sanasida Yoshlar ishlari agentligi Qiziltepa tuman bo'limi va Aholi bandlikka ko'maklashish markazi hamkorlikda mahallalardagi uyushmagan ishsiz yoshlar va migratsiyadan qaytgan ishsiz yoshlarni bandligini ta'minlash maqsadida tumandagi 2-son kasb-hunar maktabida "Yoshlar mehnat yarmarkasi" o'tkazildi. Yarmarkada mahallalardan 100 nafardan ortiq ishsiz yoshlar, qolaversa, kasb-hunar maktabimizning bitiruvchi o'quvchilari ham ishtirok etib,  o'zlariga mos kelgan bo'sh ish o'rinlari bilan tanishib chiqishdi va o'zlari qiziqqan boʻsh ish o'rinlari uchun bandlikka ko'maklashish markazi xodimlari va tashkilot xodimlariga tegishli hujjatlar orqali murojaat qilishdi. Ushbu tadbir ishsiz yoshlarni hayotda va jamiyatda o'z o'rnini topishiga bandligini ta'minlashga muhim ko'makchi bo'ldi.