Joriy yilning 26-yanvar kuni Qiziltepa tuman 2-son kasb-hunar maktabida Prezidentimizning beshta muhim tashabbus loyihasining 4-bandini ijrosini ta'minlash maqsadida kitobxonlik kechasi tashkil etildi.
📚Bunda O'. Hoshimovning "Dunyoning ishlari" asari yuzasidan savol javob bo'lib o'tdi.

Viloyat kasbiy ta'limni rivojlantirish va muvofiqlashtirish hududiy boshqarmasi boshligʻi N.Ulugʻberdiyev joriy yilning 18-yanvar kuni Uchquduq tuman kasb-hunar maktabiga tashrif buyurib maktabning oʻquv ustaxonasida boʻlib oʻquvchilar va ishlab chiqarish taʼlimi ustalari (ICHTU) ning taʼlimni tashkil qilishda yangi innovatsion texnologiyalaridan foydalanish  jarayonini kuzatdi. Dars jarayonlari bilan tanishish vaqtida N.Ulugʻberdiyev tarixiy davrdagi oʻzining ilmi bilan butun dunyoni lol qoldirgan "Muhaddislar sultoni", "Al-Jome' as-Sahih" asari muallifi Imom al-Buxoriy shuningdek Abulqosim Mahmud az-Zamaxshariylar hayot yoʻlini ibrat sifatida oʻquvchi-yoshlarga aytib oʻtdi. Shundan soʻng boshqarma boshligʻi kasb-hunar maktabining oʻquvchi yoshlar uyida boʻlib oʻquvchilarning yashash sharoiti, issiqlik tizimi holati bilan tanishib oʻquvchilarga ayni vaqtda taʼlim olishi va mavjud imkoniyatlardan unumli foydalanishi boʻyicha oʻz tavsiyalarini berib  oʻtdi.

Viloyat kasbiy ta'limni rivojlantirish va muvofiqlashtirish hududiy boshqarmasi boshligʻi N.Ulugʻberdiyev joriy yilning 18-yanvar kuni Uchquduq sanoat texnikumiga tashrif buyurdi. Tashrif mobaynida texnikum direktori Sh.Nazarov bilan birgalikda  texnikumning oʻquv ustaxonasi, sport zali hamda oʻquvchi-yoshlar uyida boʻlib oʻquvchilarning yashash sharoiti, issiqlik tizimi holati bilan tanishib chiqdilar va oʻquvchilarga ayni vaqtda taʼlim olishi va mavjud imkoniyatlardan unumli foydalanishi boʻyicha oʻz maslahatlarini berib oʻquvchi-yoshlarni boʻsh vaqtlarini mazmunli oʻtkazish va sogʻlom turmush tarzini targʻib etish maqsadida sport toʻgaraklari tashkil etish boʻyicha oʻz tavsiyalarini berib oʻtdilar

18-yanvar kuni Viloyat Kasbiy ta'limni rivojlantirish va muvofiqlashtirish hududiy boshqarmasi boshligʻi N.Ulug'berdiyev Zarafshon shahar kasb-hunar maktabiga tashrif buyurib, qishki ta'tildan so'ng o'quvchilarning kayfiyati, darslarga bo'lgan qiziqishlari, ta'lim jarayoni bilan tanishdi. Shunigdek, anomal sovuq ob-havo sharoitida professional ta'lim muassasalarining qozonxonalari hamda isitish tizimini ko'zdan kechirib, auditoriyalarni doimiy issiqligini ta'minlash, mavjud kamchiliklarni bartaraf etish boʻyicha tegishli mutasaddilarga ko'rsatmalar berildi.

 Nurota tuman 1-son kasb-hunar maktabida 2023-yil 14-yanvar ,,Vatan himoyachilari kuni'' munosabati bilan amaliyotchi psixolog Z.Azimova tomonidan "Jamoa ahilligining negizi nimada?" mavzusida trening mashg'uloti tashkil etildi.Trening ikkala jamoa o'rtasida psixologik bellashuv tarzida o'tkazildi va "Lochinlar" jamoasi faxrli 1-o'rinni "Vatanparvarlar"jamoasi esa 2-o'rinni qo'lga kiritdilar. Tadbir-trening barchaga o'zgacha kayfiyat bag'ishladi.

 Qiziltepa tuman 2-son kasb-hunar maktabida Kimyo fani o'qituvchisi Musallam Haydarova tomonidan o'qituvchilar bilan tajriba almashish maqsadida mahorat darsi tashkil etildi. Mahorat darsida "Zanjir", "Kimyoviy domino", "Suratda nima yashiringan" nomli interfaol metodlardan foydalanildi...

Ushbu zamonaviy o‘quv laboratoriya xonasi hamda maxsus o‘quv-tajriba maydonchasi o‘quvchilarimizning suv tejovchi texnologiyalari bo‘yicha amaliy ko‘nikmalari mustahkamlanib borishiga xizmat qilmoqda.  Mazkur loyihaning davomi sifatida “Suv tejovchi sug‘orish texnologiyalari asoslari” darsligi  va “Suv tejovchi sug‘orish texnologiyalari” o‘quv qo‘llanmalari, kompyuter, proyektor hamda elektron darslik taqdim etilganligi ayni muddao bo‘ldi.

Suv xo‘jaligi vazirligi, Viloyat Kasbiy ta’limni rivojlantirish va muvofiqlashtirish hududiy boshqarmasi hamda Shveysariya taraqqiyot va hamkorlik agentligi tomonidan amalga oshirilayotgan “O‘zbekistonda suv resurslarini boshqarish milliy loyihasi. 2-bosqich” doirasida yangi darsliklar, o‘quv qo‘llanmalari hamda laboratoriya jihozlari Navbahor suv xo‘jaligi va meliorasiya kollejiga taqdim etilgan edi. Jumladan, mazkur ta’lim muassasasi 159 million so‘mlik  suv tejovchi texnologiyalarning asbob-uskunalari bilan jihozlangan o‘quv laboratoriya xonasi hamda maxsus o‘quv-tajriba maydonchasi  bilan ta’minlandi.Hozirda kollej o‘quvchilari bu yerda suv tejovchi texnologiyalar bo‘yicha bilim va ko‘nikmalarini oshirmoqdalar.
Loyiha vakillari kollejda bo‘lib, uning faoliyati bilan tanishdilar.