infoNavoiy viloyati yuridik texnikumida O’zbekiston “Adolat” SDP ning “Vatan kelajagi yoshlar qo’lida” loyihasi doirasida “Konstitutsiya bilimdoni” ko’rik-tanlovining viloyat bosqichi bo’lib o’tdi.
Mazkur ko’rik-tanlov yoshlarning huquqiy va siyosiy bilimlari, ongi va madaniyatini yuksaltirish, ularni O’zbekiston Respublikasi Konstitutsiyasi va boshqa qonun hujjatlariga hurmat ruhida tarbiyalash, yoshlarda erkin fikrlash qobiliyati va nutq madaniyatini o’stirish, ularning faol fuqarolik pozitsiyasini yanada mustahkamlash maqsadida tashkil etildi.
Navoiy viloyatining turli tumanlarini sha’nini himoya qilgan 8 nafar ishtirokchi 3 ta shart bo’yicha o’zaro bellashdilar. Yakuniy natijalarga ko’ra 1-o’rinni yuridik texnikum o’quvchisi Shahriddinova Barchinoy, 2-o’rinni ham yuridik texnikum o’quvchisi To’raqulova Madina hamda faxrli 3-o’rinni qo’lga kiritgan Qiziltepa tumani ishtirokchisi Ismoilova Setora egallashdi.
Tadbir yakunida yuqori o’rin sohiblariga diplom va esdalik sovg’alariga, qolaversa faol ishtirokchilar ham faxriy yorliq hamda sovg’alari topshirildi.
