«Diyor 24» | Professional ta’lim tizimida xalqaro hamkorlik

 Zarafshon sanoat texnikumida Navro'z umumxalq bayrami munosabati bilan "Har kuning Navro'z bo'lsin, jonajon O'zbekistonim!" mavzusida ma’naviy ma’rifiy tadbirdan lavhalar

 Uchquduq tuman kasb-hunar maktabida joriy yilning 16-mart kuni maktabning birinchi va ikkinchi bosqich oʻquvchi-yoshlari ishtirokida bahor faslining nafis va goʻzal bayramlaridan, butun dunyo musulmon olamining yangi yil ayyomi, yangilanish-yasharish kuni Navroʻz bayramini keng nishonlash maqsadida "Har kuning boʻlsin Navroʻz, jonajon Oʻzbekistonim" shiori ostida, koʻtarinki ruhda katta bayram tadbiri tashkil etildi. Tadbirda oʻquvchilar oʻrtasida tosh koʻtarish, arqon tortish sport musobaqalari shuningdek bayramona milliy taomlardan Navroʻz dasturxoni bezatish kabilar tashkil etildi. Bayram tadbirida  oʻquvchilar milliy urf-odatlarimizdan kelin salomlar, lapar-u oʻlanlar aytishgani yigʻilganlarga oʻzgacha zavq-shavq ulashdi.

 Nurota tuman 2-son kasb-hunar maktabida Navro'z umumxalq bayrami munosabati bilan "Har kuning Navro'z bo'lsin, jonajon O'zbekistonim!" mavzusida ijodiy ishlar ko'rgazmasi  bo'lib o'tdi. Unda o'quvchilar tomonidan Navro'z , bahor, tabiat mavzusida chiizlgan rasmlari,  kitoblar ko'rgazmasi, o'quvchilar qo'l ishi bilan tayyorlangan  milliy kashta va tikuvchilik ishlari namunalari namoyish etildi.

Konimex tuman kasb-hunar maktabida O‘zbekiston Respublikasi Prezidentining 2023-yil 1-martdagi PQ-82-sonli “2023 YILGI NAVRO‘Z UMUMXALQ BAYRAMIGA TAYYORGARLIK KO‘RISH VA UNI O‘TKAZISH TO‘G‘RISIDA”gi Qarori ijrosi yuzasidan «Har kuning Navro‘z bo‘lsin, jonajon O‘zbekistonim!» degan bosh g‘oya asosida umumxalq sayillari shaklida ko‘tarinki ruh va yuksak saviyada nishonlash maqsadida o‘quvchi yoshlar  o‘rtasida Navro‘z bayramiga bag‘ishlangan sport musobaqalari o‘tkazildi. Tadbirda jami 138 nafar o‘quvchi-yoshlar ishtirok etib, sport musobaqalarida 47 nafar o‘quvchi kuch sinashdi. G‘olib o‘quvchilar kasb-hunar maktabining diplom va estalik sovg‘alari bilan katta bayram tadbirda taqdirlandi.

 Konimex tuman kasb-hunar maktabida O‘zbekiston Respublikasi Prezidentining 2023-yil 1-martdagi PQ-82-sonli “2023 YILGI NAVRO‘Z UMUMXALQ BAYRAMIGA TAYYORGARLIK KO‘RISH VA UNI O‘TKAZISH TO‘G‘RISIDA”gi Qarori ijrosi yuzasidan «Har kuning Navro‘z bo‘lsin, jonajon O‘zbekistonim!» degan bosh g‘oya asosida umumxalq sayillari shaklida ko‘tarinki ruh va yuksak saviyada nishonlash maqsadida  pedagog va ishchi xodimlar o'rtasida "Milliy qadriyatlar qadr topgan yurt" mavzusida Navro‘z bayramiga bag‘ishlangan tadbir o‘tkazildi. Tadbirda 132 nafar o'quvchi-yoshlar va 28 nafar xodimlar ishtirok etdi.

 Qiziltepa tuman 2-son kasb-hunar maktabida "Har kuning boʻlsin Navroʻz, jonajon Oʻzbekistonim" shiori ostida Navroʻz sayli tantanalari boʻlib oʻtdi. Bayram saylida barcha guruhlar koʻtarinki kayfiyatda ishtirok etdilar. Milliy taomlar koʻrik tanlovi, milliy oʻyinlar, milliy qoʻshiqlardan ijro etildi. Bayram barchaga birdek manzur boʻldi.

 Bahor va tabiat uyg‘onishining timsoli, sharqona yangi yilning boshlanishi bo‘lgan Navro‘zi olamni baland ruh va katta shodiyona bilan nishonlash maqsadida Uchquduq sanoat texnikimida  Navro’z bayramiga  bag’ishlab  “Har kuning Navro’z bo’lsin, jonajon O’zbekistonim” degan bosh g’oya asosida, ko’tarinki ruhda  bayram sayli o’tkazildi. Bayram tadbirida bahor va tabiat ne’matlari ko’rgazmasi, yurtimizning qadimiy urf-odatlari, madaniy merosimizning yorqin namunalari bo’lgan kuy, qo’shiq hamda laparlar, milliy liboslar va taomlar namoyishi hamda milliy sport turlari bo’yicha musobaqalar o’tkazildi. Navro‘z tabiatning yasharish, yangilanish qudratini, saxovatini, ajdodlarimiz o‘lmas merosi qadriyatlarimizni namoyon etuvchi bayram sifatida yashab kelmoqda.Navroʻz xalqimizga, millatimizga xos yuksak insoniylik, mehr-muruvvat, oqibat, saxovatpeshalik, bag‘rikenglik, samimiylik kabi qadriyatlarni o'zida mujassam etgan. Yurtimizning har bir xonadonida bahor fasli, Navro‘z shukuhi kezmoqda.